កាលពីថ្មីៗនេះ នៅលើគណនី Facebook រ័ត្ន រចនា តារាចម្រៀងល្បីដោយសារបទ "មេម៉ាយសប្បាយចិត្ត" បានបង្ហោះនូវរថយន្តម៉ាក Highlander មួយគ្រឿងពណ៌ស ដែលធ្វើឲ្យអ្នកគាំទ្រមានការអបអរចំពោះភាពជោគជ័យរបស់គាត់។
រថយន្ត Highlander មួយគ្រឿងដែល រ័ត្ន រចនា ទិញបើតាមដឹងតម្លៃប្រហែល២ម៉ឺនដុល្លារអាមេរិក។នាង បានបង្ហោះសារនៅលើទំព័រហ្វេសប៊ុកថា៖"រថយន្តនេះគឺជាកម្លាំងញើសឈាមខ្ញុំខំប្រឹងទាំងយប់ថ្ងៃមិនហ៊ានពោលពាក្យនឿយហត់ឡើយ អរគុណមនុស្សល្អទាំងអស់គ្នា"។
គួររម្លឹកថាក្រៅពីមានទីផ្សារក្នុងស្រុកក្រោយល្បីបទ "មេម៉ាយសប្បាយចិត្ត" រួចមក រ័ត្ន រចនា ត្រូវបានបណ្ដាក្រុមហ៊ុនមួយចំនួនទាក់ទងឲ្យនាង ចេញទៅច្រៀងកើបលុយក្រៅប្រទេសទៀតផង៕
0 Comments
Post a Comment