យោងតាមគណនីហ្វេសប៊ុកស្ត្រីជនជាតិថៃម្នាក់ បានធ្វើការដាស់តឿនដល់ម្តាយគ្រប់រូបថា កុំបើកកង្ហារបាញ់ចំមុខកូន នៅពេលដែលពួកគេគេង ព្រោះវាអាចធ្វើអោយកូនរបស់អ្នកមានជំងឺរលាកសួត ដូចជាកូនរបស់នាង ។ ស្ត្រីរូបនោះបានប្រាប់ថា កូនរបស់នាងជាធម្មតាមានសុខភាពល្អណាស់ មិនងាយនឹងឈឺនោះទេ ប៉ុន្តែបន្ទាប់ពីកូនរបស់នាងគេងនៅមុខកង្ហារមួយរយៈ ស្រាប់តែកូនរបស់នាងផ្តាសាយមិនព្រមបាត់សោះ ហើយថែមទាំងពិបាកដកដង្ហើមទៀតផង ។
ដោយក្តីបារម្ភ នាងក៏បានយកកូនទៅជួបគ្រូពេទ្យ ទើបដឹងថាកូនរបស់នាង មានជំងឺរលាកសួត ។ ក្រោយពីសម្រាកព្យាបាលនៅមន្ទីរពេទ្យរយៈពេល ៣ ថ្ងៃ អាការៈកូនរបស់នាងក៏ធូរស្រាលឡើងវិញ ។ គ្រូពេទ្យបានណែនាំនាងថា អោយកូនរបស់នាងគេងអោយបានច្រើន ហើយមិនត្រូវអោយកូនគេងដោះអាវនោះទេ ។
គ្រូពេទ្យមិនបានបញ្ជាក់ប្រាប់ថា ការបើកកង្ហារខ្លាំងដាក់ចំមុខកូន ពិតជាអាចនាំអោយកើតជំងឺរលាកសួតនោះទេ ប៉ុន្តែគាត់គ្រាន់តែប្រាប់ថា ខ្យល់កង្ហារអាចធ្វើអោយកូនក្មេង មានអាការៈតឹងច្រមុះ ស្ងួតច្រមុះ រឺហៀរសំបោរជាដើម ដូច្នេះជៀសវាង កុំបើកខ្លាំងពេក ហើយគួរតែដាក់កង្ហារអោយឆ្ងាយពីកូនបន្តិច ។
0 Comments
Post a Comment