គួររម្លឹកថា នៅថ្ងៃទី១៣ ខែធ្នូ ឆ្នាំ ២០១៨ វេលាម៉ោង២០.៣០នាទី មានករណីឃាតកម្ម នៅផ្ទះឈ្មោះ ហេង សុវណ្ណារ៉ា (ហៅឡឹង)នៅ ភូមិបល្ល័ង្កលិច សង្កាត់ដំរីជាន់ខ្លា ក្រុងស្ទឹងសែន ខេត្តកំពង់ធំ បានប្រើប្រាស់កាំភ្លើងខ្លីម៉ាករឡូ បាញ់សម្លាប់ប្រពន្ធរបស់ខ្លួនឈ្មោះ អ៊ឹង សៀវហេង អាយុ ៤០ឆ្នាំ បន្ទាប់មកបានបាញ់សម្លាប់ខ្លួនឯង។
បន្ទាប់ពីដេកស្លាប់ទាំងពីរនាក់ក្នុងថ្លុកឈាម សមត្ថកិច្ចជំនាញបានចុះវាស់វែង និងសាកសួរបងប្អូនសាច់ញាតិ រួចសន្និដ្ឋានថា កើតឡើងដោយសារភ្លើងប្រចណ្ឌ។ សមត្ថកិច្ចនគរបាលខេត្តកំពង់ធំបញ្ជាក់ថា មុនថ្ងៃកើតហេតុ ប្តីប្រពន្ធទាំង២នាក់ ធ្លាប់ឈ្លោះគ្នាជាច្រើនលើកច្រើនសាររួចមកហើយ។
ជនរងគ្រោះទាំងពីរនាក់ ប្តីប្រពន្ឋពិតជាមានជំលោះរឿងស្នេហាដោយខាងប្រុសប្រចណ្ឌភរិយា ទើបឈានដល់ការបាញ់សម្លាប់គ្នាដោយអាវុធខ្លី ម៉ាកវុលរ៉ូវែ ចំនួន៥គ្រាប់ ដែលកាំភ្លើងនោះសន្និដ្ឋានថា អាចលាក់ទុកកាលពីសម័យធ្វើជាទាហាននៅខេត្តព្រះវិហារ។ ជនដៃដល់ជាប្តីបានបាញ់សម្លាប់ប្រពន្ធចំឆ្អឹងខ្នង បន្ទាប់ពីប្រពន្ធស្លាប់ ក៏បានបាញ់សៀតផ្កាខ្លួនឯង បណ្តាលឲ្យស្លាប់ទាំងពីរនាក់។ អ្នកទាំងពីរមានមុខរបរលក់បាយ និងលាងឡាន។
តាមការបញ្ជាក់ពីសាច់ញាតិរបស់សពដែលរស់នៅជាមួយ ត្រូវជាបងស្រីបង្កើតបានឲ្យដឹងថា ប្តីប្រពន្ឋនេះធ្លាប់ឈ្លោះគ្នាជាច្រើនលើកច្រើនសារ ដោយមួយរយៈកន្លងមកនេះ បុរសជាប្ដីធ្លាប់បានច្របាច់ក ប្រពន្ធស្ទើរស្លាប់ម្តងរួចមកហើយ តែកាលនោះមានបងប្អូនចូលទៅជួយទាន់ ទើបពេលនេះមានរឿងផ្ទុះអាវុធតែម្តងបណ្តាលឲ្យស្លាប់ទាំងពីរនាក់។
តែអ្វីដែលធ្វើឲ្យមហាជនកាន់តែភ្ញាក់ផ្អើលនិងងឿងឆ្ងល់ទៀតនោះគឺ កាលពីថ្ងៃទី ១៩ ធ្នូម្សិលមិញ ស្រាប់តែកូនប្រុសរបស់សពឈ្មោះ ហេង ដេវិដ បានទទួលលិខិតកោះហៅពីនាយការិយាល័យបទល្មើសព្រហ្មទណ្ឌជាមន្ត្រីនគរបាលយុត្តិធម៌អង្គភាព មន្ទីរយុត្តិធម៌កងរាជអាវុធហត្ថខេត្តកំពង់ធំ ដើម្បីចូលខ្លួនដោះស្រាយដំណើររឿងតុងទីនដែលមានពាក់ព័ន្ធជាម្ដាយឈ្មោះ អ៊ឹង សៀវហេង នៅវេលាម៉ោង ៨.៣០នាទីព្រឹកថ្ងៃទី ២០ ធ្នូ ឆ្នាំ ២០១៨ នេះ។ រង់ចាំតាមដានលទ្ធផលបន្តទៀត..
----------------------
credit: Khmer-Global
0 Comments
Post a Comment